ഗവര്‍ണറെ സര്‍വകലാശാല ചാന്‍സിലര്‍ സ്ഥാനത്ത് നിന്ന് നീക്കുന്നതിന് ബില്ല് കൊണ്ടുവരാന്‍ ഇന്നത്തെ മന്ത്രിസഭാ യോഗം തീരുമാനിച്ചേക്കും. ഡിസംബറില്‍ ചേരുന്ന നിയമസഭാ സമ്മേളത്തില്‍ ബില്ല് കൊണ്ടുവരാനാണ് ആലോചന.
രാജിവച്ചുനിയമ സര്‍വകലാശാലകള്‍ ഒഴികെ സംസ്ഥാനത്തെ 15 സര്‍വ്വകലാശാലകളുടേയും ചാന്‍സലര്‍ നിലവില്‍ ഗവര്‍ണറാണ്. ഓരോ സര്‍വകലാശാലകളുടേയും നിയമത്തില്‍ ഭേദഗതി കൊണ്ടുവരാന്‍ പ്രത്യേകം പ്രത്യേകം ബില്‍ അവതരിപ്പിക്കാനാണ് നീക്കം.
ഗവര്‍ണര്‍ക്ക് പകരം ആര് ചാന്‍സലര്‍ ആകും എന്ന ചര്‍ച്ചയും നടക്കുന്നുണ്ട്. പ്രതിപക്ഷ പിന്തുണയോടെ ബില്‍ പാസാക്കനാണ് സര്‍ക്കാര്‍ ശ്രമിക്കുന്നത്. അതേ സമയം സഭ ബില്‍ പാസാക്കിയാലും നിയമമാകാന്‍ ഗവര്‍ണര്‍ ഒപ്പിടണം.
നിയമസഭ സമ്മേളനത്തിന്റെ തിയതിയും മന്ത്രിസഭായോഗം തീരുമാനിക്കും. ഡിസംബര്‍ 5 മുതല്‍ 15 വരെയാകും നിയമസഭ ചേരാന്‍ സാധ്യതയെന്നാണ് റിപ്പോര്‍ട്ടുകള്‍.
Facebook
Twitter
